ಪಬ್ಲಿಕ್ ರೈಡ್ ನ್ಯೂಸ್ ಪೀಣ್ಯ ದಾಸರಹಳ್ಳಿ : ಸಮೀಪದ ಭುವನೇಶ್ವರಿ ನಗರದಲ್ಲಿರುವ ಕಾಯಕಯೋಗಿ ಸಹಕಾರ ಸಂಘದ ಕಚೇರಿಯಲ್ಲಿ ಬೆಂಗಳೂರು ನಗರ ಜಿಲ್ಲಾ ಶರಣ ಸಾಹಿತ್ಯ ಪರಿಷತ್ತು ಮತ್ತು ಟಿ ದಾಸರಹಳ್ಳಿ ಘಟಕ ಶರಣ ಸಾಹಿತ್ಯ ಪರಿಷತ್ತು ವತಿಯಿಂದ
ಸಂಸ್ಥಾಪಕರ ದಿನಾಚರಣೆ ವಚನ ದಿನ ಹಾಗೂ ಶ್ರೀ ಶಿವರಾತ್ರಿ ರಾಜೇಂದ್ರ ಮಹಾಸ್ವಾಮಿಗಳ ಪುಣ್ಯಸ್ಮರಣೆಯನ್ನು ಆಚರಿಸಲಾಯಿತು.
ಈ ವೇಳೆ ಉಪನ್ಯಾಸಕಿ ಸುಜಾತ ಮೇಲೇಗೌಡ ಮಾತನಾಡಿ,’ ಶಿವರಾತ್ರಿ ರಾಜೇಂದ್ರ ಮಹಾಸ್ವಾಮೀಜಿ ಅವರಿಗೆ ಶರಣರ ಬಗ್ಗೆ ಮತ್ತು ವಚನ ಸಾಹಿತ್ಯದ ಬಗ್ಗೆ ಅಪಾರ ಕಾಳಜಿ ಇತ್ತು. ಆದಕಾರಣ ಅವರ ಜನ್ಮದಿನವನ್ನು ವಚನ ದಿನ ಮತ್ತು ಶರಣ ಸಾಹಿತ್ಯ ಪರಿಷತ್ ಸಂಸ್ಥಾಪಕರ ದಿನಾಚರಣೆ ಎಂದು ಆಚರಿಸಲಾಗುತ್ತದೆ’ ಎಂದು ತಿಳಿಸಿದರು.
ಕಾಯಕಯೋಗಿ ಸಹಕಾರ ಸಂಘದ ಅಧ್ಯಕ್ಷ ಮತ್ತು, ಬೆಂಗಳೂರು ನಗರ ಜಿಲ್ಲಾ ಶರಣ ಸಾಹಿತ್ಯ ಪರಿಷತ್ತು ವಲಯ ಕಾರ್ಯದರ್ಶಿ ಬಸವರಾಜಣ್ಣ, ದಾಸರಹಳ್ಳಿ ಘಟಕದ ಅಧ್ಯಕ್ಷ ಮೇಲೇಗೌಡ, ಮುಖಂಡರಾದ ಎಂ. ಬಸವರಾಜು, ಪ್ರಕಾಶ್, ಬಿ.ಕೆ. ಮೂರ್ತಿ, ಶಿವಕುಮಾರ್, ಲಿಂಗದೇವರು, ಬಸವರಾಜೇಗೌಡ, ಬೋಜರಾಜು, ಸುಜಾತ ಮೇಲೇಗೌಡ, ರೇಣುಕಮ್ಮ, ಸವಿತಾ, ಚಂದನ,ಅನಿತ, ತ್ರಿವೇಣಿ ಮುಂತಾದವರು ಭಾಗವಹಿಸಿದ್ದರು.
