ಬೆಳಗಾವಿ
ಕಣಗಲಾ ಗ್ರಾಮದ ಸರ್ಕಾರಿ ಪ್ರಾಥಮಿಕ ಆಸ್ಪತ್ರೆಯ ಬಳಿ ಇರುವಂತಹ ಹೊಲದಲ್ಲಿ ಮಹಾರಾಷ್ಟ್ರ ರಾಜ್ಯದ ಕೊಲ್ಲಾಪುರದ ಕಾಪಶಿ ಗ್ರಾಮ ಮೂಲದ ಯುವಕನ ಬರ್ಬರವಾಗಿ ಕೊಲೆ ಮಾಡಲಾಗಿದೆ. ದೇವಮಾನಿ ಉರ್ಫ್ ಆನಂದ ಡುಕ್ರಿ ವಯಸ್ಸು 20 ಮೃತ ದುರ್ದೈವಿಯ ಹೆಸರು.
ಕಿಶನ್ ಮಾಳಿ ಎಂಬ 15 ವರ್ಷದ ಯುವಕ ಕೊಲೆ ಮಾಡಿದ ಆರೋಪಿಯಾಗಿದ್ದು, ಆನಂದನ ತಲೆಗೆ ಕಲ್ಲಿನಿಂದ ಒಡೆದು ಶರ್ಟ್ ನಿಂದ ಕುತ್ತಿಗೆ ಬಿಗಿದು ಕೊಲೆ ಮಾಡಿದ್ದಾನೆ ಎಂದು ಸಂಕೇಶ್ವರ ಪೊಲೀಸ ಠಾಣೆಯ ಪ್ರಥಮ ವರದಿಯಿಂದ ತಿಳಿದು ಬಂದಿದೆ.
ಶನಿವಾರ ರಾತ್ರಿ ಇಬ್ಬರು ಮಿತ್ರ ನಡುವೆ ಯಾವುದೋ ಕಾರಣಕ್ಕಾಗಿ ಜಗಳ ಏರ್ಪಟ್ಟಿದ್ದು ಕೊಲೆಯಲ್ಲಿ ಅಂತ್ಯವಾಗಿದೆ. ಮೃತ ಆನಂದನ ತಂದೆ ಸುರೇಶ್ ಡುಕ್ರಿಯವರು ತನ್ನ ಮಗನ ಕೊಲೆ ಆಗಿದೆ ಎಂದು ಸಂಕೇಶ್ವರ ಪೊಲೀಸ್ ಠಾಣೆಯಲ್ಲಿ ಪಿರಿಯಾದು ದಾಖಲಿಸಿದ್ದಾರೆ. ಉಪನಿರೀಕ್ಷಕರಾದಂತಹ ರಾಘವೇಂದ್ರ ಖೋತ ಅವರು ಕೂಡಲೇ ಆರೋಪಿಯನ್ನು ಬಂಧಿಸಿ ಕಾನೂನು ಕ್ರಮ ಕೈಗೊಂಡು ಮುಂದಿನ ತಪಾಸಣೆ ನಡೆಸಿದ್ದಾರೆ.
ಪಬ್ಲಿಕ ರೈಡ್ ನ್ಯೂಸ್ ,ಸಂತೋಷ ನಿರ್ಮಲೆ, ವರದಿಗಾರರು ಬೆಳಗಾವಿ.
