“ಕಾರು ಚಾಲಕನಿಗೆ ಸಾರಥಿಯಾದ ಕುಲಸಚಿವ”

ಧಾರವಾಡ

ಕರ್ನಾಟಕ ವಿಶ್ವವಿದ್ಯಾಲಯದಲ್ಲಿ 22 ವರ್ಷ 9 ತಿಂಗಳ ವರಗೆ ಕುಲಪತಿ ‌ಮತ್ತು ಕುಲಸಚಿವರಿಗೆ ಕಾರ ಚಾಲಕನಾಗಿ ಕಾರ್ಯ ನಿರ್ವಹಿಸಿದ ರುದ್ರಪ್ಪನಿಗೆ ಇಂದು ಕೆಲಸದ ಮಧ್ಯಾಹ್ನ 3:00 ಗಂಟಗೆ ರುದ್ರಪ್ಪನಿಗೆ ಕೆಲಸದ ಕೊನೆಯ ದಿನವಾಗಿತ್ತು.

ಈ ಸಂದರ್ಭದಲ್ಲಿ ನಿವೃತ್ತಿಯಾದ ರುದ್ರಪ್ಪನಿಗೆ ಪರೀಕ್ಷಾಂಗ ಕುಲಸಚಿವರಾದ ಡಾ.ನಿಜಲಿಂಗಪ್ಪ ಮಟ್ಟಿಹಾಳ ಅವರು ಕಾರು ಚಾಲನೆ ಮಾಡುವ ಮೂಲಕ ರುದ್ರಪ್ಪನ ಮೆನೆಯವರೂ ಬಿಟ್ಟು ಬಂದ ಅಪರೂಪದ ಘಟನೆ ‌ಕರ್ನಾಟಕ ವಿಶ್ವವಿದ್ಯಾಲಯದಲ್ಲಿ ‌ನಡೆಯಿತು.

ಕುಲಸಚಿವ ರಜನೀಶ್ ಗೋಯಲ್ ಅವರ ಅಧಿಕಾರ ಅವಧಿಯಲ್ಲಿ ತಾತ್ಕಾಲಿಕವಾಗಿ ನೇಮಕಗೊಂಡ ರುದ್ರಪ್ಪ ಅವರು ಕರ್ನಾಟಕ ವಿಶ್ವವಿದ್ಯಾಲಯ ಕುಲಪತಿಗಳಾಗಿದ ಡಾ.ಪಠಾಣ, ಡಾ.ಖಾಜಾಪೀರ, ಡಾ.ಎಸ್.ಕೆ.ಸೈದಾಪೂರ ಮತ್ತು ಡಾ.ಹೆಚ್.ಬಿ ವಾಲಿಕಾರ ಹಾಗೂ ಪ್ರಭಾರ ಕುಲಪತಿ ಡಾ.ಮುರಿಗೆಪ್ಪ ಅವರಿಗೆ ಕಾರು ಚಾಲಕನಾಗಿ ಸೇವೆ ಸಲ್ಲಿಸಿದ ಅವರು ಸುಮಾರು 8 ವರ್ಷಗಳ ಕಾಲ ಡಾ‌.ಬಸವಣ್ಣ, ಡಾ.ಸಾಲಿ, ಡಾ.ನಾಗರಾಜ, ಡಾ.ಸಿ.ಕೃಷ್ಣಮೂರ್ತಿ ಹಾಗೂ ಡಾ.ನಿಜಲಿಂಗಪ್ಪ ‌ಮಟ್ಟಿಹಾಳ (ಎರಡು ಅವಧಿಗೆ) ಅವರ ಕಾರು ಚಾಲಕನಾಗಿ ಸೇವೆಸಲ್ಲಿಸಿದ ಕೀರ್ತಿ ರುದ್ರಪ್ಪನಿಗೆ ಸಲ್ಲುತ್ತದೆ. ಸುಮಾರು 22 ವರ್ಷ 9 ತಿಂಗಳ ಕಾಲ ಸೇವೆ ಸಲ್ಲಿಸಿದ ರುದ್ರಪ್ಪ ಅವರು ಇಂದು ನಿವೃತ್ತಿಯಾದರು.

ನಾನು ಐದು ಕುಲಪತಿ ಮತ್ತು ಮತ್ತು ಆರು ಪರೀಕ್ಷಾಂಗ ಕುಲಸಚಿವರ ಕಾರು ಚಾಲಕನಾಗಿ ಕರ್ತವ್ಯ ನಿರ್ವಹಿಸಿದ್ದು ನನ್ನ ಭಾಗ್ಯ. ಯಾವುದೇ ಕುಲಪತಿ ಅಥವಾ ಕುಲಸಚಿವರು ನನ್ನನ್ನು ಬಹಳ ಸೌಹಾರ್ದ ಮತ್ತು ಆತ್ಮೀಯತೆಯಿಂದ ನೋಡಿಕೊಂಡರು ಎಂದು ರುದ್ರಪ್ಪ ಹೇಳುವಾಗ ಎದೆ ತುಂಬಿ ಬಂದಿತ್ತು.

(ರುದ್ರಪ್ಪ ಪರೀಕ್ಷಾಂಗ ಕುಲಸಚಿವರ ಕಾರು ಚಾಲಕ)