ಹುಕ್ಕೇರಿ ತಾಲೂಕಿನ ಕಣಗಲಾ ಗ್ರಾಮದಲ್ಲಿ ಕಳೆದ 2015 ರಿಂದ 2024 ರ ವಿವಿಧ ಯೋಜನೆಗಳಲ್ಲಿ ಹಾಗೂ ಕಾಮಗಾರಿಗಳಲ್ಲಿ ಭೃಷ್ಟಾಚಾರ ನಡೆದಿದೆ ಮತ್ತು 15 ನೇ ಹಣಕಾಸು ಯೋಜನೆಯ ಹಣ ದುರ್ಬಳಕೆ ಆಗಿದೆ ಅಂತಾ ಕಣಗಲಾ ಗ್ರಾಮದ ಗ್ರಾಮಸ್ಥರು ಹುಕ್ಕೇರಿ ತಾಲೂಕಾ ಪಂಚಾಯತ ಆವರಣದಲ್ಲಿ ಗುರುವಾರ ದಿನಾಂಕ:09-10-2025 ರಂದು ಪ್ರತಿಭಟನೆಯನ್ನು ಮಾಡಿದರು.
ಕಣಗಲಾ ಗ್ರಾಮ ಪಂಚಾಯತ ಕಾರ್ಯಾಲಯದಲ್ಲಿ ಅಭಿವೃದ್ಧಿ ಕಾರ್ಯಗಳು ನಡೆಯದೆ ಕೇವಲ ಅವ್ಯವಹಾರ ನಡೆದಿರುವುದು, ಕಣಗಲಾ ಗ್ರಾಮದಲ್ಲಿನ ಕಂದಾಯ ವಸೂಲಾತಿಯಲ್ಲಿನ ಭೃಷ್ಟಾಚಾರ ನಡೆದಿರುವುದು, ಪಂಚಾಯತ ಅಭಿವೃದ್ಧಿ ಅಧಿಕಾರಿ ದಯಾನಂದ ನಾಯಕ ಅವರು ಸಾರ್ವಜನಿಕರಿಗೆ ಸ್ಪಂದಿಸದೆ ಇರುವುದು , ಪರಿಶಿಷ್ಟ ಜಾತಿ ಬುಡಕಟ್ಟು ಉಪಯೋಜನೆಗಳ ದುರುಪಯೋಗ ಮಾಡಿಕೊಂಡಿರುವ ವಿಷಯ ಹೀಗೆ ಗ್ರಾಮದ ಹತ್ತು ಹಲವಾರು ಸಮಸ್ಯೆಗಳ ತನಿಖೆಗಾಗಿ ಕಣಗಲಾ ಗ್ರಾಮದ ಗ್ರಾಮಸ್ಥರು ತಾಲೂಕಾ ಪಂಚಾಯತ ಕಾರ್ಯನಿರ್ವಾಹಕ ಅಧಿಕಾರಿಗಳಿಗೆ ಮನವಿಯನ್ನು ನೀಡಿದರು.
ಇದೆ ಸಂದರ್ಭದಲ್ಲಿ ಒಂದು ವೇಳೆ ಭ್ರಷ್ಷಾಚಾರರ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳದೆ ಇದ್ದಲ್ಲಿ ಇದೇ ತಿಂಗಳು 13 ನೇ ತಾರೀಖಿನಂದು ಗ್ರಾಮ ಪಂಚಾಯತ ಕಾರ್ಯಾಲಯಕ್ಕೆ ಬೀಗ ಜಡಿದು ಪ್ರತಿಭಟನೆ ನಡೆಸಲಾಗುವುದು ಎಂದು ಮನವಿಯಲ್ಲಿ ಪ್ರತಿಭಟನಾಕಾರರು ಎಚ್ಚರಿಕೆಯನ್ನು ನೀಡಿದ್ದಾರೆ.
ಈ ಸಂದರ್ಭದಲ್ಲಿ ಗ್ರಾಮ ಪಂಚಾಯತ ಸದಸ್ಯರಾದ ಆಕಾಶ ಕೇರಿಮನಿ, ನೇತಾಜಿ ಮಿಲಕೆ, ಮುಖಂಡರಾದ ಮಹಾಂತೇಶ ಖಾಡೆ, ಅಣ್ಣಾಸಾಹೇಬ ಖಾಡೆ, ಶ್ರೀಕಾಂತ ಪಾಟೀಲ, ಮಹೇಶ ಮಗದುಮ, ಚೇತನ ಕೋರೆ, ಸೋಮನಾಥ ನಾಯಿಕ, ಪಾಂಡುರಂಗ ಪಾಟೀಲ, ಕಿಶೋರ ವಾಜರೆ, ಕೇದಾರಿ ಮುತ್ನಾಳೆ, ಬಾಳು ಗಾಡಿವಡ್ಡರ, ನಿಲೇಶ ಹವಾಲ್ದಾರ, ಉತ್ತಮ ಪಾಟೀಲ, ದತ್ತಾ ನಾಯಿಕ, ರಾಮಾ ಮಾನೆ ಮತ್ತಿತರರು ಉಪಸ್ಥಿತರಿದ್ದರು.
ವರದಿಗಾರರು : ಸಂತೋಷ ನಿರ್ಮಲೆ . ಪಬ್ಲಿಕ ರೈಡ್
